مشاهدة تغذيات RSS

الرجل الدولة

يوم صوّرتني قناة المجد :d

تقييم هذا المقال

سلام عليكم

رمضان كريم .. الخ

المهم

بالصيف اللي راح حق سنة 2008 .. كنت مع اخواني في متنزّه او فعالية اسمها قافلة الخير , دايم نسمع فيها و كنت اقراها بالجرايد قلت عيب علي انا من مواطنين الشرقية و لا اروح للفعالية الخطيرة ذي
قمنا عبينا بنزين الكابريس الصابونة حقت اخوي و طقينا الرسمي << ثوب اصفر و شماغ احمر يلق و طبعاً ما ننسى النظارات الشمسيّة حاطينها بالجيب يقالنا شخصية في اي بي

وصلنا للقافلة و شفنا زحمة الله لا يوريكم اياها من زحمة تقل ناس متجمعة على مكاين سنجر ! رحنا نشوف وش السالفة و إلا لقينا كل الاطفال متجمعين على رجل لابس لبس مهرج و قايمين تشويت فيه .. و فيه واحد لابس ميكي ماوس اذنه متشققة , متعلق فيه الصغار الوحوش .. اللي يعضونه و اللي يضربه بحجر و حسيت ان اللي لابسين الازياء كرهوا الحياة

واصلنا المشي بزبيريّاتنا البرتقاليّة << ابوك يا الذوق , و شفت ملعب صابوني .. الكورة واقفة مكانها و اللاعبين قايمين يتزحلقون و يشوتون رجول بعض , الله يصلحهم هالمراهقين مشكلتهم اذا تحمسوا ما تفرق يا هم معصبين او متحمسين .. واحد من اللاعبين طق عرق
قعدنا نواصل الكعّابي (الكعّابي = مصطلح يطلق على المشي بالرجول) لييييين دخلنا خيمة فيها مسرح و قناة المجد موجودة .. و المقدم عيد الشمري موجود .. صاحب مقولة : شغل عدل مدل .. حركاااااااات بركااااااااات

جلسنا بكراسي البلاستيك اللي تكح كح من الكرف .. و الجو كان وقتها رطوبة قشرا ! رقبتي قامت تصبصب انهار من المياه , هذا غير الازعاج اللي اقلق راحتنا .. اخوي بغا يثور ببايع البليلة .. بيجلده جلد , المسكين البائع قاعد يدور و يصارخ ((قرب بليلة .. بليلة ..)) و الله يهديه اخوي ما يمسك اعصابه لذلك قامت مهاوشة بينه و بين البائع و طاحت علبة بليلة على ثوب اخوي و من هنا صارت افلام اكشن الله لا يوريكم و بنفس الوقت جا زميل اخوي قعد معي و اخوي راح للبيت يبدل و يجي لأن ثوبه صار لوحة تشكيليّة

المهم..
قام المقدم يسوي مسابقات مادري وش تبي بالضبط صراحة ً, من صاحب النفس الاطول .. يعني يخلي الواحد يصارخ بكلمة و يبتل صراخ ليييين يفطس .. اتوقع كلكم عارفينها و فيه مسابقة يشغلون اناشيد و يخلون عشرة مادري سبعة يدورن حول مجموعة من كراسي بلاستيك و اذا توقفت النشيدة يجلسون و دواليك
انا اخلاقي طقّت قلت لزميل اخوي مشينا يابو نهجول بالراشد .. منها نكون قريبين للمطاعم و منها نوسع صدورنا , وافقني و قمنا من الكراسي لكن ..
جا المقدم عيد الشمري ينادي علي انا و زميل اخوي بالمايكرفون : يا اللي قاموا في الاخير .. تعالوا تعالوا وين رايحين يا ابطال
حنا قعدنا نمشي نحسبه ينادي غيرنا لكن يوم جا موظف بالفعالية يدفنا لا بارك الله في بليسه عرفت انه يبينا نطلع .. قعد زميل اخوي يقول : وش السالفة يا ابو الدول وراه تسذا ينادينا

قلت : على شحم و امش .. عاد يوم طلعنا على عتبة المسرح << عتبة .. اتعب مع العتبات انا , قدام مية واحد هذا غير اللي يشوفونا بالتلفزيونات .. أول شي فكرت فيه هو خويي مرتضى اللي تسلفت منه 4 ريال و ما رجعت له السلف!! كالعادة ركبي قامت ترتعش , اخذت نفس عميق و تعوذت من بليس و فكرت بالباسكن روبنز << مادري وش جابه لكن ارتاح يوم افكر بالباسكن
قام المقدم يقول : ايش اسمك يا شاطر ؟ قلت لنفسي شاطر يا ولد الذين .. هذا كبري و ماخذ بالصف ترتيب ما قبل الاخير و تقولي شاطر وادشرتااااه !!
المهم .. قلت فلان بن علان الفلاني .. و زميل اخوي الزلابة مرتبك و جبهته ما غير قلبت ألوان الطيف الله يفشله , قام يقول المقدم عندك انشودة ؟
وش جابني انا و للاناشيد , تبي اناشيد مايكل جاكسون و مادونا ما عندي مشكلة .. اما اناشيد خبري خبرك مالي فيهم ابد!! قلت لا و الله , قام المقدم يسأل مرة ثانية : تحب بابا و ماما ؟ قلت وش رايك انت ؟ << لا وين امزح معكم .. تخيلوا , لو اني سوبرمان اقول كذا
قلت ايه احبهم .. رجع يسأل ولد الخير : طيب ممكن تقول صيفنا مع أهلنا أحلى ؟ قلت : بس اهلي بالصيف يسافرون ..ههههههههههههههههههههه
جتني قبصة من زميل اخوي خلتني اسحب كلامي , قلت ايه ممكن يا باشا .. صيفنا مع أهلنا .. احلى! << و الله لو تشوفوني ذاك اليوم تقل زلابة من زلايب الثقبة !!
رحت نزلت من العتبة << اخر مرة اقولها , و عيوني تملأها اقصى نظرات الغضب .. و ما يطفئ غضبي إلا شاورما صاروخ من مطعم شرنبي

الحين تبون تشوفون صورتي بذاك اليوم المشؤوم ؟

اضغطوا على السبويلر لأن الصورة كبيرة :


طل انت وياه .. هههههههههههههههههههه

أرسل "يوم صوّرتني قناة المجد :d" إلى Facebook أرسل "يوم صوّرتني قناة المجد :d" إلى Twitter أرسل "يوم صوّرتني قناة المجد :d" إلى Google

الكلمات الدلالية (Tags): المجد إضافة/ تعديل الكلمات الدلالية
التصانيف
الوكّــــاد . .

التعليقات

  1. الصورة الرمزية silver blaid
    وين البطولات و الامجاد الي تتكلم عنها ؟
    آخر شيء وجهك قوس قزح عشان الناس يشوفونك ؟




    المهم اننا استمتعنا بقراءة مقال الرحلة و الا ؟
  2. الصورة الرمزية الرجل الدولة
    اي بطولات يا عم , اخاف اطلع مواهبي و .......... تعرف الباقي

    ايه استمتعنا فيه يا الزين
  3. الصورة الرمزية الأميرة شادن
    أضحك الله سنك

    أجل باسكن روبنز و براد بيت
  4. الصورة الرمزية الرجل الدولة
    باسكن روبينز .. ميلك شيك جامبو < ما يعرف إلا الحجم الكبير

    بالنسبة لبراد , رفيق العمر ^^