الرجل الدولة

*كلمة هواجس نسبة إلى يهوجس و تعني شارد الذهن و التفكير أو السرحان

=====================
العيد و ما أدراك ما العيد ! تجد حالسة إستنفار بين العوائل و العزاب حيث تشوف الصرافات مسنتر عندها طوابير من السيارات
و تلقى شماغ البسام ابو بصمة 30 قاضي من السوق فتضطر إلى لبس شماغ ابوك أو تسرق شماغ اخوك الصغير و هو ما يدري
طبعاً كعادة سنوية رمضانيّة لازم تلقى إشاعة الراتب منتشرة صداها خصوصاً عند العزاب الملحطين و اللي توهم متوظفين
المهم ما علينا من الاشاعات ..
نجي للطامة الكبرى و اللي ما اواطنها ابد و اول ما اسمع ان فيه هالشي اكره حياتي
و هالشي مكروه عند الشيّاب و العزاب و محبوب عند النسوان
اكيد عرفتوه .. العزايم !! تقوم الصبحية على صياح اهلك و صراخ البزارين و زعاقهم
و تسمع اللي يقول ان ولد ضايع و واحد متسمم ! و لا تروح تتشخص و كل شي
و تقعد بالمجلس شايلن المبخرة تكوي ايدك كوي و بإيدك اليمين معك صحن الشقليطات (الحلويات) و وجهك يبدا يعرق و خايف ان تشخيصتك تخرب اللي تعبت عليها << الكوبرا او اي تشخصية ثانية
و ساعتك اللي لابسها تحك ايدك المهم انها حالة ! كل ذا عشان كم ساعة
اذكر بأحد الاعياد اللي راحت كنت اقهوي الرياجيل و الوالد ما غير ينتقدني الله يهديه مع اني ما سويت شي غلط
و الله يهديني كنت اول اتنفرز على طول << هذا اول , جا اخوي بيزيد الطين بلة
قام ينتقدني : ( ياخي صب زي الناس!! ) من هنا ارتبشت و صبيت القهوة بدون قصد من على الارض و يا فشيلتي
طبعاً اكلت تهزيء بالبداية قدام الضيوف و يا وجهي كان طماط
ما يستفاد من هالمقالة اللي ما فهمتوا منها شي :

1-- حذاري من المبالغه في شراء مستلزمات العيد .. ماله لزوم كل شء جديد ..

2- لا تروح للحلاقات اللي بالربوة او بالشارع التجاري في الدمام , انصحك تروح عند صالون بحارتكم

3-من لديه القدرة المادية .. فـ يشتري اغراض العيد من الآن .. ويشتري راحة
راسه معه .. اسعار عادية .. ويلحق على الجديد

4- روحوا لموضوعي الجديد بالترفيهي و ردوا عليه
:
:
ومضة /
يوجد دائماً من هو أشقى منك .. فابتسم