.jpg)
سلام عليكم
قبل كل شي , وخروا السكاكين و السواطير اللي جبتوها"
المهم
اناظر يمنة و يسرة ألقى سالفة عن فليد و صديقته لا بارك الله في ابليسها ماريا على ما اظن , اناظر يسرة اشوف جراندايزر يتهاوش مع كوجي كابوتو مادري مين
و اذا ناظرت قدام ألقى مازينجتا مع رعد مادري برق
أو تسمع عن واحد له سيقان من خشب و ما يتكلم و معه ببغاء معاق الله لا يبلانا
وش هالحالة يا ناس .. وش اسوي له اذا قام يدور على كنز اخترعه مخيلته و اخرتها يلقى صندوق خشب ما فيه إلا قراطيس عليها خرابيش خرايط مادري وصايا
و بعدين مسوي نفسه ثقيل ما يتكلم ؟! يا رجال بحريقة عساه ما يتكلم , و الببغاء الزلابة ذا مسوي نفسه صديق عمر بينه و بين سيلفر
ما يدري ان بأحد الايام يكون جون سيلفر جوعان و بطنه متشقق من الجوع بيقوم يبطحه و يشويه على النار
خل الصداقة تنفعه .. و بعدين وش ذا القرصان اللي عيونه زرق .. يا رجال جورج كلوني ما له عيون زرق .. القرصان بالعادة يكون لابس قبعة عليها جمجمة و عظمتين
و فاسد و حقير و جشع , يغدر بخويه عشان الذهب .. هذا القرصان اللي نعرفه , لحد يجي يقول هذا قرصان من نوع ثاني
ياعمي هو علبة تونة له نوع ثاني ؟ قرصان .. و لا نسيت اقولكم وش هالقرصان اللي عمره بـالاربعينيات يضرب ناس اضخم منه و ادهى منه
و مادري النمر اللي معه ذاك .. باقيرا على ما اظن اللي مرقط بأسود .. وش يحس فيهيا شيخ اجيب السنايبر افقع مخيخه هو و دميجته اللي تقل تنكة
هذا جون سيلفر و خلصت منه .. عطوني جراندايزر
الحين ذا اللي مسمي نفسه جراندايزر ولد الذين كم عنده شخصية ؟! يوم دوق فليد و يوم مازينجتا و يوم رجل آلي يتحول لطيارة و دبابة و يوم رعد مادري وش
طيب الحين هو صح يحمي كوكبه بصفته الدوق او الامير , وش يجيبه لنا حنا سكان الارض ؟ يعني يحمي كوكبين يا الله لك الحمد
خله بكوكب المريخ حقه .. بيقدر على جيش مجهز بقنابل نووية و رشاش يخلي بطنه كله ذخيرة هالدوق الذروق
سؤال يقبص نفسه , كم له شخصية دوق فليد ؟؟ 1-دوق فليد 2-المركبة جراندايزر 3-مازنجاير 4-رعد
فيه بلا هالانسان
و بذلك ابروح شوربة كويكر لو قمت اهايط زيادة فيه
الحين دور سندباد .. يا اللييييل مع هالولد , ما هضمته , اول شي صوته حاد الله ياخذ بليسه .. " آآآ ياسمينا .. أين أنت " يا اخي وش الصوت ذا , يذكرني بصوت غراب اللي كان بالبيت المسكون قدامنا
على طاري الغربان و ياسمينا , اول مرة بحياتي و بمخيلتي اشوف بنت تتحول لغراب .. غرااااب يا ناس ! اعنبوا بليس الدنيا
و العجوز صلاح الدين , ما اقدر اعلق عليه لأن ما عندي خلفيّة كبيرة فيه
علي بابا و ما ادراك بعلي بابا , يقاله وسيم الحين ؟ وين الوسامة عنه و وينه هو .. وجهه كله بثور و شعره تقل ليفة حديد
و كيف يتغلب على وحوش بخنجر صغير .. كيف ؟ تذكرون ذاك الوحش اللي طلع من الارض .. على ما اظن وحش الرمال , جا سندباد يصارخ و انتبه علي بابا و قفز و طعن الوحش و الوحش رجع
و عاشوا بسعادة !
عشان ما تقولون اني عنصري و تتأكدون اني انسان جهبذالانميات الجديدة ذي
ناروطو الاشقراني و اللي لابس اللثمة .. يا كرهي له .. ما اواطنه , نينجا يسطر دشليارات من الرجال و القتلة !
خلوها على ربكم بس
ابو الدول
رد مع اقتباس
رد: جون سيلفر , جراندايزر , فليد و باقي البشكة .. حومتم تسبودنا !
))
واضح أنك تسمع بشيء اسمه جون سيلفر وجرندايزر ولا تدري وشهي 
! 
.. وقلت على طووووووول بدخل الموضوع وبأشق وجهك 
.. مره يمين ومره يسار
المفضلات