الذبول في غياهب المجهول

[منتقد]

من أثقل جلسات الطرب. جلسة ترتعش بتواجد مولانا قداسة الحبر الأعظم ذو التجليات الملائكية الأسطور محمد رضا لطفي, وأستاذنا شجريان.


http://www.youtube.com/watch?v=lmCyOICVrBk

[منتقد]

بمثل هذا تستجلب رحمات السماء

https://www.youtube.com/watch?v=WqnMsvPqoOs

[منتقد]

من فتوحات الصوفية لابن عربي:

لو علمتَه لم يكن هو، ولو جهلكَ لم تكن أنت. فبعلمه أوجدك، وبعجزك عبدتَه. فهو هو لِهُوَ، لا لك، وأنت أنتَ لأنتَ ولَهُ. فأنت مرتبط به، ما هو مرتبط بك.


http://www.youtube.com/watch?v=5PIGW88iulc

[منتقد]

الصورة هذي صورتها لوحدة من مزارع المجمعة

الروابط الحميمية لا تنشأ بين البشر فقط، ولا بين البشر والكائنات الاخرى فقط، ولا بين البشر والاماكن فقط، يمكن أن تنشأ بين الانسان وتصرفاته ايضا.


الدوران اكثر شي حميمي اسويه في حياتي. اتوقع اني واحمد ولد عمي اكثر اثنين يدورون في نجد. نادر ما يمر يوم بدون ما اصرف منه ساعة الى ساعة ونص فالدوران، اقدر اسميها تجربة حياة، ادور في اماكن مختلفة واوقات مختلفة، تمر بمواقف رتيبة ومكررة لكنها مفعمة بالحياة، تمر بهدوء صافي لدرجة انك تحس انك تسمع السماء وكأنها تسولف. وانت تدور تحس ان كل شي تمر به يتنفس، كل شي في هالحياة له نمط حياته الخاص به، اشجار ومزارع واماكن مهجورة وشجرة تعيش في عزلة وسط ارض ميته وصحراء وبر وابراج جوال في اماكن نائية وقرى وسدود وخضرة ونفود وغنم وبقر وعلف وشياب وشباب، كل شي في هالبيئة يعيش معك انت ما تعيش بلحالك.


امر على اشياء واجد، من ازقة ضيقة ما تمشي فيها سيارة ورجال سواء، لأرض براح وخط عرضه بامتداد الافق. بعض الأزقة الضيقة هذي تفتح على مزارع تتبدل احوالها على اوقات السنة، هذا الانفتاح يتم بطريقة تتعالى على الحضور الادبي او السينمائي، وانت تمشي في هالشارع الضيق تشوف منظر المزرعة من بعيد وكل ما قربت يتسع، لين توصل لطرف الشارع ثم ينفتح قدامك المشهد بامتداد رحب ومندوحة للعين، يجتمع في هذا الانفتاح تدرج الافق السماوي ليختلط في اطرافه بسعفات النخيل، وينتهي المنظر بمثل الصورة السابقة.


ادور فالليل، اخر الليل. كل شيء فالحياة في هالوقت يغرق قي صمت مريب، الا صوت محمد رفعت وعباس مقادمي ومحمد سعيد نور والخافظ خليل اسماعيل والمعيقلي وعبدالفتاح الشعشاعي والشيخ امام واحمد قاسم وفهد بن سعيد والسنباطي، انت والشارع وذولي والحياة، هدوء واستكنان نفسي وروحي عظيم، خصوصا ان الجو في هالوقت يكون في اكثر حالاته استقرار، وكأن الجو يستسلم في هالوقت لتأملاته ولنفسه، حتى الطبيعة تنتصر في هذا الوقت لنفسها وتستكين.


اكثر وقت شفت فيه الشمس وهي تشرق في رمضان، وحده من اعظم التجارب الانسانية هي اختبار الانسان لنفسه في مثل هاللحظات، "والصبح اذا تنفس"، انك تتنفس من داخل شرايينك وفؤادك وروحك وعقلك مع تنفس الصبح، تبدا يوم جديد.


طريق شقراء الداهنة من انتصافة العصر لين تحمر عين الشمس تختزل حكمة انسانية مجهولة وغير مكشوفة، حكمة بكر نقية صافية في خدر الطبيعة، حكمة تتشربها وتحسها، حكمة حياتية ما تلقاها في كتاب او رواية، حكمة ما تلقاها الا على وجوه الناس.
طريق الحاير بالرغم من فقره الا انه اكثر طريق ادور فيه، وش حيث انه ديرة ابوي. ذاك الطريق افقده مثل ما افقد واحد من اخواني او مثل ما افقد ترمس شاهيي. اقدم طريق درت فيه، ومريت فيه على مواقف بقدر تفاهتها وتكرارها الا انها مؤثرة، وانا رايح من هناك على وقت اخر العصرية يطلعون عيال عثمان الصالح الصغار في كل يوم ويسلمون ويشرون بيديهم من بعيد لبعيد، بيت الامارة كان خربات، والامير هو مالك البيت ومستاجرينه منه الحكومة ومسكينه فيه، ويوم مات حمد العبدالرحمن الله يرحمه رمموا البيت ومسك الامارة ولده، امير على بيتين كلهن اخوانه وعشرة انفار.


الدوران اغنى تجربة في حياتي الفقيرة، وعشانه حبيت المجمعة. طلباتي من الدنيا شوية. عندي "فانتزيين" ودي اسويها في حياتي:

١- لا صرت فالثلاثينيات اشري لي مزرعة صغيرة واحط فيها مشب ومكتبة، ولانيب جايب عامل، انا اللي بزرعها.
٢- عقب ما اتقاعد ازين لي مشراق اجلس فيه عقب الفجر اشوف السفر وهو يطلع، واخر العصر عشان اشوف السيارات والناس اللي يركضون في هالدنيا، عاد في ذاك الوقت تتصير المزز قد ساقن.


ودي اسوي افلام مثل كيروسامي. كيروستامي عارف نقطة ضعفي ابن الكلب، هو امهر واحد استخدم السيارة في السينما. ودي اسوي مثله لكن ادخل فالسالفة عنصر المزارع. من الفانتزي اللي في بالي ودي اصور واحد مايلة طاقيته وجادع شماغه على كتفه وداخل بهايلكسه للمزرعة ومحمل فالصحن فسايل نخل. او اسوي قصة حب في هالمزارع نفس طريقة كيروستامي في فلمه: "من خلال اشجار الزيتون

[منتقد]

والفجر الذي تنساب من أطرافه أطياف السكينة, يتسلل النور من وراءه خلسة إلى بدايات السماء, تلوح في الأفق خيوط رقيقة تفصل بين سكينة الفجر وانتعاشة الصباح, تذوب بين هذه الخيوط معالم الدهر, يتشتت بين تلاشي الأمس وحضور الغد. تعبر من خلال تلك الغيمات التي غطت مجال الأفق نسمات خجولة تجول بينها وكأنها أصابع تتخلل خلل شعر لفتاة تنام بوداعة مرهفة.

http://www.youtube.com/watch?v=xh-54_n1FC4

[منتقد]

(سميح القاسم)
إلهي ... عذابي طويل وقاس ومؤسف
وأنت غفور رحيم ... ومنصف

إلهي أنا متأسف ... إلهي أنا متأسف

http://www.youtube.com/watch?v=xZk-soxQT_s